د ید خبري اژانس: د طالبانو په مشرۍ د افغانستان مرکزي بانک اعلان وکړ چې د ۶۶۰ ملیون څخه زیاتو زړو بانک نوټونو له شمېرلو او ارزونې وروسته یې لرې او سوځولي دي.
د طالبانو په مشرۍ د افغانستان مرکزي بانک وايي چې د ۶۶۰ ملیون او ۲۰۰ زره افغانیو زړو بانک نوټونو له شمېرلو، ارزونې او اړینو چکونو ترسره کولو وروسته له منځه وړل شوي دي.
د بانک په وینا، زړو بانک نوټونو د هیواد له مرکزي، ختیځ او سویل ختیځ زونونو څخه راټول شوي وو.
د طالبانو مرکزي بانک ویلي چې د دې اقدام هدف د پیسو سیسټم اداره کول او د راکړې ورکړې په پروسه کې د لا زیاتې اسانتیا برابرول دي.