امنیت او حوادثخبرسیمهنړۍ
چین پر ایران د امریکا بریدونه غندي او د جګړې د زیاتېدو د مخنیوي غوښتنه کوي
دید خبري اژانس: د چین د بهرنیو چارو وزارت د چهارشنبې په ورځ (د سرطان ۱۷مه) په ایران کې پر لسګونو هدفونو د امریکا پراخ بریدونه وغندل او په منځني ختیځ کې یې د شخړو د زیاتېدو خبرداری ورکړ.
د چین د بهرنیو چارو وزارت ویاند ماو نینګ په یوه مطبوعاتي کنفرانس کې وویل: “د جګړې بیا پیل او زیاتېدل د دواړو خواوو په ګټه نه دي، او پوځي حل لارې نشي کولی بنسټیزې ستونزې حل کړي.”
هغه دا څرګندونې په ایران کې پر اهدافو د امریکا د وروستیو بریدونو په اړه د یوې پوښتنې په ځواب کې وکړې او له ټولو خواوو یې وغوښتل چې له هغو اقداماتو ډډه وکړي چې په سیمه کې تاوتریخوالی او بې ثباتي خپروي.