په هلمند کې درې تاریخي اثار کشف شوي
د دید خبري اژانس: په هلمند ولایت کې، د لښکرګاه ښار د قلعه بست په هدیره کې د قبر کیندلو پرمهال درې تاریخي لوښي کشف شوي او د ځایی اوسیدونکو لخوا امنیتي چارواکو ته وسپارل شول.
په هلمند کې درې تاریخي اثار کشف شوي
د هلمند ولایت سیمه ایز چارواکي وايي چې د ولایت مرکز لښکرګاه ښار د قلعه بست په هدیره کې درې تاریخي لوښي، د ځایی اوسیدونکو لخوا د قبر کیندلو پرمهال کشف شوي.
د هلمند د اطلاعاتو او کلتور ریاست مرستیال مولوي شیر محمد وحدت وویل چې په دې تاریخي اثارو کې د مختلفو اندازو درې لوښي شامل دي چې د قبر کیندلو پرمهال موندل شوي او بیا د تاریخي ځایونو د ساتنې لپاره د ۰۱۲ واحد امنیتي ځواکونو ته وسپارل شول.
د هغه په وینا، د ۰۱۲ واحد ځواکونو ژمنه کړې چې په هلمند ولایت کې د ټولو تاریخي ځایونو، لرغونو اثارو او تاریخي اثارو ساتنه وکړي ترڅو دا کلتوري میراث وساتي او د هغې د ویجاړولو یا قاچاق مخه ونیسي.
سیمه ییزو چارواکو دا هم ویلي چې یو شمیر خلک پخوا په ورته سیمه کې د غیرقانوني کیندنو په تور نیول شوي او اړوندو ادارو ته یې راجع شوي دي.