د دید خبري اژانس: چین ۲۰ جاپاني ادارې، په شمول د دفاعي مطالعاتو ملي انسټیټیوټ، د صادراتو کنټرول په خپل لیست کې شاملې کړې دي، او ۲۰ نور یې، په شمول د میتسویی A&S، په خپل څار لیست کې شامل کړي دي.
چین ۴۰ جاپاني ادارې د صادراتو محدودیتونو لاندې راوستې دي
د چین د سوداګرۍ وزارت د دوشنبې په ورځ (د سرطان په ۸مه) اعلان وکړ چې دا اقدام د ملي امنیت او ګټو د ساتنې او د نړیوالو مکلفیتونو پلي کولو، په شمول د وسلو د نه خپریدو لپاره شوی.
د وزارت په وینا، صادرونکي اجازه نلري چې د صادراتو کنټرول لیست کې ادارو ته دوه ګونی استعمال توکي صادر کړي. له چین څخه بهر سازمانونه او اشخاص هم منع دي چې د چینایي اصلي دوه ګونی استعمال توکي دې ادارو ته انتقال یا چمتو کړي، او ټول اړوند فعالیتونه باید سمدلاسه ودرول شي.
د چین د سوداګرۍ وزارت ۲۰ نور جاپاني ادارې هم د میتسویي A&S په ګډون په خپل څار لیست کې شاملې کړې دي. وزارت ویلي چې د نه تایید شوي پای کاروونکو او د دوه ګونی استعمال توکو د پای کاروونکو له امله، دې ادارو ته صادراتو باندې به سخت چکونه پلي شي.
د پریکړې له مخې، د جاپان پوځي کاروونکو ته د دوه ګوني استعمال توکو صادراتو لپاره، یا د هغو توکو لپاره چې د هیواد پوځي وړتیاوې لوړوي، هیڅ جواز نه ورکول کیږي.
د چین د سوداګرۍ وزارت ویاند وویل چې دا اقدامات د دوه ګوني استعمال توکو د صادراتو کنټرول قانون او مقرراتو سره سم اخیستل شوي او موخه یې د “نوي نظامي کولو په لور د جاپان د ګړندي حرکتونو” مخنیوی دی.
هغه زیاته کړه چې محدودیتونه یوازې د جاپان محدود شمیر شرکتونه په نښه کوي او یوازې د دوه ګوني استعمال توکي پوښي؛ له همدې امله، د چین او جاپان ترمنځ عادي اقتصادي او سوداګریز تبادلې به اغیزمن نشي، او جاپاني شرکتونه چې د قانون سره سم فعالیت کوي د اندیښنې لپاره هیڅ دلیل نلري.