د دید خبري اژانس: د پاکستان د ایدهي بنسټ مشر د اسراییلي ځواکونو له توقیف څخه خوشې کېدو وروسته کراچۍ ته ورسېد.
د پاکستان د ایدهي بنسټ مشر سعد ایدهي د اسراییلي ځواکونو له توقیف څخه خوشې کېدو او له ترکیې او شارجه څخه د سفر وروسته د کراچۍ هوايي ډګر ته ورسېد او د کورنۍ غړو، مدني فعالانو او د بشري فعالیتونو ملاتړ کوونکو یې هرکلی وکړ.
ایدهي، چې د غزې تړانګې ته د بشري مرستو د لیږلو په ماموریت کې د صمود بېړۍ غړی و، کراچۍ ته له رسیدو وروسته د خپل توقیف او د کاروان د نورو غړو په اړه خبرې وکړې.
هغه وویل چې اسراییلي ځواکونو په نړیوالو اوبو کې بیړۍ ودروله او مسافر یې ونیول.
د ایدهي بنسټ مشر د توقیف شرایطو ته په اشارې سره زیاته کړه چې د بیړۍ غړي د څلورو ورځو د بند په جریان کې له مختلفو محدودیتونو او غیر انساني چلند سره مخ شول.
هغه ټینګار وکړ چې د دې فشارونو سره سره، په ماموریت کې برخه اخیستونکي د غزې د خلکو لپاره د دوامداره بشري ملاتړ اړتیا باندې ټینګار کوي.
ایدهي د توقیف په موده کې د کورنیو، مدني ټولنې سازمانونو او عامه افکارو د ملاتړ ستاینه هم وکړه، او ویې ویل چې د غزې د خلکو وضعیت ته نړیواله پاملرنه او سیمې ته د بشري مرستو رسولو هڅې باید دوام ومومي.