اسلایدشوافغانستاناقتصاد او پرمختګخبر
د کندهار د آلوچه صادرات متحده عربي اماراتو ته پیل شول
د دید خبري اژانس: د کندهار د ولایتي ادارې د رسنیو دفتر اعلان وکړ چې د لومړي ځل لپاره له دې ولایت څخه د متحده عربي اماراتو دوبۍ ته د ۲۰ ټنو آلوچه صادرولو پروسه پیل شوې ده.
د مطبوعاتي اعلامیې له مخې، د دې ټول مقدار څخه، تر اوسه پورې دوه ټنه آلوجه د دوبۍ بازارونو ته صادر شوي، او پاتې نور به په څو مرحلو کې لیږدول کیږي. دا اقدام د افغان کرنیزو محصولاتو د صادراتو د پراختیا او نړیوالو بازارونو ته د لاسرسي لپاره یو مهم ګام ګڼل کیږي.
سیمه ییزو چارواکو ټینګار کړی چې د تولید زیاتوالی او د کرنیزو محصولاتو د بسته بندۍ او ټرانسپورټ ښه کول د تازه میوو د ډیرو صادراتو لپاره لاره هواره کړې او کولی شي په اقتصادي وده او د بزګرانو لپاره د کار فرصتونو په رامینځته کولو کې مهم رول ولوبوي.