د دید خبري اژانس: د بادغیس ولایت سیمه ییزو چارواکو اعلان وکړ چې د سبزک بند ته نږدې د هرات-بادغیس په لویه لاره د ۳۰۳ مسافر وړونکي موټر د چپه کېدو له امله لږ تر لږه اته کسان ووژل شول او څو نور ټپیان شول.
په بادغیس کې د موټر د چپه کېدو له امله ۸ کسان مړه شول
د بادغیس د پولیسو د قوماندانۍ ویاند صدیق الله صدیقي وویل چې دا لومړني ارقام دي او د تلفاتو شمېره به لوړه شي. د هغه په وینا، د پیښې ټپیان روغتونونو ته لیږدول شوي، خو د هغوی دقیق شمېر لا نه دی معلوم.
موټر له هرات څخه بادغیس ته د ۴۴ مسافرو سره روان و چې د سبزک بند په سیمه کې له سړک څخه ووت او ولوېد.
ځینې عیني شاهدان وايي چې یوازې پنځه مسافر ژوندي پاتې شوي او نور مسافر یا مړه یا ټپیان شوي دي.