د اسلامي همکارۍ سازمان (OIC) د افغانستان شمال ته د بیړنیو مرستو غوښتنه کوي
د دید خبري اژانس: د اسلامي همکارۍ سازمان (OIC) له خپلو غړو هیوادونو څخه غوښتي چې د افغانستان په شمال کې د وروستۍ زلزلې قربانیانو ته سمدستي بشري مرستې ورسوي، چې د سیمه ییزو چارواکو په وینا لږ تر لږه ۲۷ کسان یې وژلي او له ۷۰۰ څخه ډیر یې ټپیان کړي دي.
د اسلامي همکارۍ سازمان (OIC) د افغانستان شمال ته د بیړنیو مرستو غوښتنه کوي
د اسلامي همکارۍ سازمان (OIC) عمومي منشي حسین ابراهیم طه د افغانستان له خلکو سره د پیوستون په څرګندولو سره له غړو هیوادونو او بشري سازمانونو څخه وغوښتل چې ژر تر ژره زلزله ځپلو سیمو ته بیړنۍ مرستې واستوي.
د سازمان لخوا د دوشنبې په ورځ په یوه خپره شوې اعلامیه کې، په افغانستان کې د اسلامي همکارۍ سازمان دفتر د قربانیانو د اړتیاوو د ارزونې دنده لري.
د اسلامي همکارۍ سازمان ټینګار وکړ چې د سازمان ساحوي دفتر به د بشري سازمانونو او نړیوالو شریکانو سره کار وکړي ترڅو قربانیانو ته ژر تر ژره مرستې او طبي خدمات ورسوي.
د دوشنبې په سهار د افغانستان په څو شمالي ولایتونو کې زلزله وشوه، چې تلفات یې رامنځته کړل او سلګونه کورونه یې ویجاړ کړل. د ژغورنې کارمندان لاهم د ژوندي پاتې شویو کسانو په لټه کې دي.