د دید خبري اژانس: د طالبانو ادارې اعلان کړی چې د روسیې جوړ شوي ۹ زغروال ټانکونه، چې په کې اووه T-55 ټانکونه او دوه T-62 ټانکونه شامل دي، د کابل په ۳۱۳ پوځي اډه کې له ترمیم وروسته بیا سمبال شوي دي.
طالبان: ۹ روسي ټانکونه ترمیم شوي او د کارونې لپاره چمتو دي
دا پوځي وسایط د پل چرخي په دوهم پیاده اډه کې د دریم زغروال اډې تخنیکي ټیمونو لخوا ترمیم شوي دي.
د طالبانو د ادارې په وینا، دا ټانکونه به د اړتیا په صورت کې “سرحدي دفاع” او پوځي عملیاتو کې وکارول شي. په هرصورت، د دې تجهیزاتو کارولو دقیق هدف لاهم روښانه نه دی.
د زغروال ټانکونو ترمیم د هغه پروګرام یوه برخه ده چې زاړه نظامي تجهیزات بیرته راولي چې د طالبانو اداره یې د خپلو تخنیکي وړتیاوو ښودلو لپاره کاروي.