دید خبرې آژانس: د ټولګټو وزارت سرپرست ملا محمد عیسی ثاني کندهار ته د خپل کاري سفر په ترڅ کې؛ دغه ولايت کې تر کار لاندې او پيل کيدونکو پروژو څخه ليدنه کړې ده.
ته د ټولګټو وزارت د رسنیز دفتر د معلوماتو له مخې؛ ملا محمد عیسی ثاني په دغه سفر کې، د کندهار – روزګان (جنوب – شمال دهليز) سړک، د ۱۶۰ متره په اوږدوالي د ميوند ولسوالۍ د سرکاري باغ پل چې رغنيزې چارې يې ۸۰ سلنه بشپړې شوې، د کندهار – سپين بولدک دويم لين سړک او د خاکرېز – کندهار سړک له رغنیزو چارو څخه ليدنه کړې او د پروژو تخنيکي ټيمونو او مسئولينو ته یې د کار د ښه کيفيت او چټکتيا په اړه لازمې لارښوونې کړې کړې دي.
د ټولګټو وزارت سرپرست همدارنګه، د خلکو د ستونزو د حل په موخه؛ د کندهار ولايت د ټولګټو رياست مسئولینو ته لارښوونه کړې چې په روان ۱۴۰۴ لمریز کال کې د ۱۵ کيلومتره په اوږدوالي د ميوند ولسوالۍ جغلي سړک، د بند تيمور سړک، د شورابک، بولدک اسفالټي سړک شولډرونه او د شاه ولي کوټ – ترينکوټ سړک ترمیم او ورغوي.
هغه د قراردادي شرکتونو تخنيکي ټيمونو او مسئولينو ته هم لارښوونه کړې چې د پروژو کار ژر تر ژره بشپړ کړي.
