د هند په کشمیر کې برید/ د کډوالو کارګرانو په ګډون ۷ تنه ووژل شول
دید خبرې آژانس: د هندي ځايي چارواکو ویلي، وسله والو د کشمیر په سیمه کې د تونل د جوړولو ځای ته څېرمه د شپږو کډوالو کارګرانو او یوه ډاکټر په ګډون اوه کسان په ډزو وژلي دي.
د هندي رسنیو د راپورونو له مخې، دغه برید د یکشنبې په شپه (تلې ۲۹مه) وشو چې د دې سیمې خلک يې سخت شاک او وېرې حالت ته وړي دي.
دا پېښه په دې سیمه کې د نوي حکومت له جوړېدو څو ورځې وروسته رامنځته شوه. د یوې لسیزې وروسته ترسره شوي ټولټاکنې د اپوزیسیون ایتلاف بریا ته ورسېد چې اوس جمو او کشمیر اداره کوي.
په ٢٠١٩ کې، دا سیمه د خپل ځانګړي حیثیت څخه بې برخې شوه او د فدرالي حکومت تر ادارې لاندې په دوو سیمو وېشل شوې وه؛ یعنی جمو او کشمیر او لداخ ووېشل شوه.
د هند د نورو برخو څخه کډوال کارګران چې ډیری وختونه په کشمیر کې په باغونو، د واښو په کروندو او ساختماني پروژو کې کار کوي په مکرر ډول د وسله والو لخوا په نښه کیږي.
برید کوونکو د یکشنبې د شپې په برید کې پر هغو کارګرانو ډزې وکړې چې د تونل په جوړولو کې په کار بوخت وو.
کشمیر، هغه سیمه چې هند او پاکستان دواړه یې د بشپړ ملکیت ادعا کوي؛ خو هر یو یې د هغې یوه برخه په خپل کنټرول کې لري.
دا سیمه له څو لسیزو راهیسې د وسله والو او هندي امنیتي ځواکونو ترمنځ د وسله والو جګړو ډګر و. دغو شخړو تر اوسه په زرګونو کسان وژلي دي.
