د دید خبري اژانس: د پاکستان ولسمشر د جرمني د ولسمشر په رسمي بلنه شل کاله وروسته برلین ته سفر کړی دی.
د پاکستان ولسمشر اصف علي زرداري د خپل جرمني سیال فرانک والټر شټاین مایر په بلنه په رسمي سفر برلین ته رسیدلی دی. دا سفر جرمني ته د پاکستاني ولسمشرانو د سفرونو له شل کلن ځنډ وروسته راځي.
ټاکل شوې ده چې زرداري د ولسمشر او د جرمني له لومړي وزیر فریدریش مرټز سره وګوري او د دوه اړخیزو اړیکو د پراختیا، سیمه ایزو پرمختګونو او نړیوالو مسلو په اړه بحث وکړي.
د پاکستان ولسمشر به د جرمني له یو شمیر سوداګریزو مشرانو او سوداګریزو فعالانو سره هم وګوري ترڅو د اقتصادي همکارۍ د پراختیا، سوداګرۍ زیاتولو او پانګونې د راجلبولو په برخو بحث وکړي.
دا سفر د پاکستان او جرمني ترمنځ د ډیپلوماتیکو اړیکو د تاسیس د ۷۵ کلیزې سره سمون لري؛ یوه پیښه چې په مختلفو سکتورونو کې د دواړو هیوادونو ترمنځ د همکارۍ د امکاناتو د سپړلو لپاره یو نوی فرصت برابروي.