اسراییلي سرتیرو او میشتو شویو کسانو د لویدیځې غاړې په مختلفو سیمو کې چاپې وهلي دي
د دید خبري اژانس: فلسطینی سرچینو راپور ورکړی چې اسراییلي سرتیرو او میشتو شویو کسانو د لویدیځې غاړې په مختلفو سیمو کې چاپې وهلي دي.
وسله والو اسراییلي میشتو کسانو د لویدیځې غاړې په نابلس کې د عورتا کلي شاوخوا سیمه کې چاپه وهلې ده.
اسراییلیانو د الخلیل په جنوب کې د مسافریطا ښارګوټي شاوخوا سیمه کې هم د چاپې وهلو له لارې پاروونکي اقدامات ترسره کړي دي.
فلسطیني سرچینو راپور ورکړی چې اسراییلي سرتیرو د سلفیت په ښار کې چاپه وهلې ده.
د دې سرچینو په وینا، غاصبینو د قلقیلیه په شمال ختیځ کې د جیوس په ښار هم برید کړی دی.
اسراییلي سرتیرو د طولکرم په شمال کې د عتیل په ښار کې چاپه وهلې او په یوه کور یې وحشیانه برید کړی دی.
د سلفیت په لویدیځ کې د بروقین ښار هم سهار د اسراییلي اشغالګرو لخوا په نښه شوی دی.
د اسراییلو پوځ د ختیځ طولکرم په ذنابه ښارګوټي برید وکړ او په سیمه کې یې د یو کور په چاپه وهلو سره ازاد فلسطینی وائل قوزح وتښتاوه.