د دید خبري اژانس: د البانیا په پلازمینه تیرانا کې په زرګونو لاریون کونکو د حکومت ضد لاریونونو پرمهال له بلواګرو پولیسو سره نښته وکړه او څو دولتي ودانۍ یې وسوځولې. په دې نښتو کې ۱۴ پولیس ټپیان شوي او ۳۵ کسان نیول شوي دي.
د راپورونو له مخې، لاریونونه په پیل کې د امریکا د ولسمشر ډونالډ ټرمپ د کورنۍ سره تړلې د ګرځندوی پروژې په مخالفت کې پیل شوي وو، خو ورو ورو د حکومت پر وړاندې پراخو لاریونونو او د البانیا د لومړي وزیر د استعفا غوښتنې ته بدل شوي دي.