د دید خبري اژانس: د افغانستان او ایران ترمنځ د اقتصادي همکارۍ په چوکاټ کې، د ننګرهار ولایت د قیمتي او نیمه قیمتي ډبرو سکتور کې یو شمیر فعالین ټاکل شوي چې ایران ته سفر وکړي ترڅو تخصصي روزنه ترلاسه کړي او خپل مسلکي مهارتونه ښه کړي.
د ایران او افغانستان د سوداګرۍ ګډې خونې یو پلاوی، چې په جلال آباد کې د ایران د اسلامي جمهوریت د قونسل جنرال رضا پناه سره مل وو، د ننګرهار ولایت د قیمتي او نیمه قیمتي ډبرو بازار څخه لیدنه وکړه.
د دې سفر په جریان کې، د قیمتي ډبرو بازار سوداګریز ظرفیتونه او د افغانستان او ایران ترمنځ د اقتصادي همکارۍ د پراختیا لارې چارې وڅیړل شوې.
د تړون پر بنسټ، د ننګرهار څخه د دې سکتور یو شمیر فعالین به ایران ته سفر وکړي ترڅو د تخصصي روزنې له لارې خپل تخنیکي پوهه او مسلکي مهارتونه ښه کړي.