د کنړ زلزله ځپلي د ناورین څخه یو کال وروسته هم په خیمو کې ژوند کوي
د دید خبري اژانس: د ناروې د کډوالو شورا خبرداری ورکړی چې د افغانستان په ختیځ کې د مرګونې زلزلې څخه یو کال وروسته، په کنړ ولایت کې بشري ناورین دوام لري، ډیری اغیزمنې کورنۍ لاهم مناسب سرپناه او د څښاک پاکو اوبو ته لاسرسی نلري.
سازمان اعلان وکړ چې د دوی د مرستې ټیمونو یو ځل بیا د کنړ زلزله ځپلو سیمو ته سفر کړی او له هغو کورنیو سره یې لیدلي چې لاهم په خرابو خیمو او لنډمهاله سرپناه کې ژوند کوي.
په افغانستان کې د ناروې د کډوالو شورا سیمه ایز رییس جاکوپو کاری دي وویل چې یوازې یو لږ شمیر اغیزمن شوي خلک توانیدلي چې مناسب سرپناه ومومي او ډیری کورنۍ لاهم په سختو شرایطو کې ژوند کوي.
هغه د بشري مرستو د سمدستي زیاتوالي اړتیا باندې ټینګار وکړ، او خبرداری یې ورکړ چې د مرستندویه سازمانونو له ملاتړ پرته، اغیزمنې کورنۍ به د دې ناورین پایلو څخه بریالي نشي او خپل ژوند عادي حالت ته راستون نشي.
د تیر کال د سنبلې په لومړیو کې د ریکټر اندازه ۶.۰ زلزلې کنړ، ننګرهار، لغمان او د ګاونډیو سیمو ځینې برخې ولړزولې. دې پېښې په ځانګړي ډول په کنړ کې پراخ زیانونه واړول. طالبانو د زلزلې له امله د مړو شمېر له ۲۰۰۰ څخه زیات اعلان کړی و.