د دید خبري اژانس: د ایران د بهرنیو چارو مرستیال وزیر او د جنوبي آسیا د چارو عمومي رییس محمد رضا بهرامي او د افغانستان لپاره د پاکستان ځانګړي استازي محمد صادق د “مسکو فارمټ” غونډې په څنډه کې د سیمه ییزو پرمختګونو او د افغانستان د وضعیت په اړه نظرونه تبادله کړل.
د ایراني رسنیو په وینا، بهرامي دا غونډه “دوستانه او رغنده” وبلله او ویې ویل چې دواړو خواوو په سیمه کې د اوسنیو پرمختګونو په اړه نظرونه تبادله کړل.
څرنګه چې په تیرو دریو کلونو کې د افغانستان او پاکستان ترمنځ تاوتریخوالی زیات شوی، ایران د دواړو هیوادونو ترمنځ د تاوتریخوالي کمولو کې د مرستې لپاره خپل چمتووالی اعلان کړی دی.
د مسکو فارمټ په ۲۰۱۷ کال کې د روسیې په نوښت د افغانستان او د هغې د سولې پروسې په اړه د مشورې لپاره رامینځته شو، او د سیمې هیوادونه، په شمول د ایران، روسیې، چین، هند او یو شمیر مرکزي آسیا هیوادونه، په کې برخه اخلي.