بشري حقونهخبرنړۍ
آنکتاد: په غزه کې د بې کارۍ کچه شاوخوا ۹۰ سلنې ته رسیږي
د دید خبري اژانس: د سوداګرۍ او پراختیا په اړه د ملګرو ملتونو کنفرانس په خپل وروستي راپور کې په غزه کې د اقتصادي وضعیت بې ساري خرابوالی راپور ورکړی او په سیمه کې د بې کارۍ کچه شاوخوا ۹۰ سلنې اعلان کړې ده.
د راپور له مخې، په غزه کې شاوخوا ۹۰ سلنه کاري ځواک بې کاره شوی دی؛ یو داسې وضعیت چې په سیمه کې اقتصادي فعالیتونو او معیشت ته د پراخ زیان ښودنه کوي.
آنکتاد ټینګار کړی چې د غزې د کړکېچ اقتصادي پایلې یوازې اوسني دورې پورې محدودې نه دي او د سیمې د اقتصاد او زیربناوو بیارغونه به د پام وړ سرچینو او وخت ته اړتیا ولري.