د دید خبري اژانس: په بدخشان کې د طالبانو سیمه ییزو چارواکو اعلان کړی چې د دې ولایت د واخان دهلیز کې د «راه ابریشم» سړک جوړول پنځه کاله وروسته بشپړ شوي دي.
په بدخشان کې د طالبانو د کلیوالي بیارغونې او پراختیا مشر امان الله چهره وویل چې دا سړک د برغل سیمې څخه پیل کیږي او د چین پولې ته نږدې د بزای ګنبد سیمې ته ۱۲۱.۱۳ کیلومتره دوام کوي.
د هغه په وینا، د سړک پلنوالی د ۷ او ۱۰ مترو ترمنځ دی، او د هغې په لاره کې درې لوی پلونه او لسګونه پلچکونه جوړ شوي دي.
د طالبانو سیمه ییزو چارواکو ویلي چې دا سړک به په نږدې راتلونکي کې عملي شي او کولی شي د واخان لرې پرتو سیمو ته لاسرسی ښه کړي او د چین له پولې سره د سیمې اړیکې آسانه کړي.