د دید خبري اژانس: د هرات ولایت په ګذره ولسوالۍ کې د ۱.۵ ملیون ډالرو په لګښت د میوو او غوښې د ساتلو یوه لویه سړې خونې جوړه او فعاله شوه.
د کمال هرات د سړې خونې مشر جمشید کمال وویل چې دا اسانتیا د ۴۰۰۰ مربع متره ځمکې په ساحه کې او د اړتیا وړ معیارونو سره سم په شپږو میاشتو کې جوړه شوې ده.
د هغه په وینا، دا سړه خونې د ۳۰۰۰ ټنو میوو او غوښې د ساتلو ظرفیت لري، او که اړتیا وي، نو ظرفیت یې لوړ کیدی شي.
په دې سړه خونې کې د تازه میوو د ساتلو لګښت، د محصول ډول او د ذخیره کولو مودې پورې اړه لري، په هره میاشت کې په هر کیلوګرام کې له ۲ څخه تر ۱۰ افغانیو پورې ټاکل شوی دی.
هرات د میوو او سبزیجاتو د تولید په برخه کې د افغانستان یو له مهمو ولایتونو څخه دی، او هر کال په دې ولایت کې د پام وړ کرنیز او باغدارۍ محصولات تولید کیږي.