د دید خبري اژانس: د چین کلنۍ شیانګ شان دفاعي سرمشریزه د سې شنبې په ورځ په بیجینګ کې پیل کیږي، دا غونډه سږکال د تایوان، جنوبي چین سمندرګي او د آسیا امنیت ته د امریکا د ژمنو په اړه د اندیښنو په منځ کې ترسره کیږي.
د چین د دفاع وزیر دونګ جون ټاکل شوې ده چې د نړیوالې همکارۍ او د څو قطبي نړیوال نظم په جوړولو ټینګار سره درې ورځنۍ سرمشریزه پرانیزي. په هرصورت، کارپوهان تمه لري چې د هغه څرګندونې به د امریکا او د هغې د لویدیځو متحدینو غیر مستقیم انتقاد شامل وي.
د لسګونو هیوادونو سلګونه پوځي چارواکي، ډیپلوماتان او پوهان په سرمشریزه کې ګډون کوي. شنونکي وايي چې بیجینګ ممکن د واشنګټن له مستقیم انتقاد څخه ډډه وکړي، ځکه چې د دې میاشتې په وروستیو کې د چین د ولسمشر شي جین پینګ او د امریکا د ولسمشر ډونالډ ټرمپ ترمنځ احتمالي لیدنه شتون لري.
په مقابل کې، جاپان د چینایي نیوکو لوی هدف کیدی شي؛ ځکه چې د بیجینګ او توکیو ترمنځ اړیکې په وروستیو میاشتو کې ترینګلې وې. د تایوان مسله او له چین سره د پوځي شخړې احتمال به هم د غونډې نورې مهمې موضوعګانې وي.
شي جين پينګ پخوا په نړيوالو پریکړو کې د نړۍ د جنوب د هېوادونو د مخ په زیاتیدونکي رول ټینګار کړی او ویلي یې دي چې په نړیوالو چارو کې د یو یا څو هېوادونو واکمني د ریښتیني څو اړخیزیزم له مفکورې سره مطابقت نلري.