د دید خبري اژانس: د ملګرو ملتونو د خوړو او کرنې سازمان خبرداری ورکړی چې د اوبو لګولو د اوبو کمښت او د سرې د بیو لوړوالي په افغان بزګرانو فشار زیات کړی او کولی شي د ژمي د غنمو د کښت او تولید کچه راټیټه کړي.
د ملګرو ملتونو د خوړو او کرنې سازمان په افغان بزګرانو د اقتصادي او اقلیمي فشارونو د زیاتوالي راپور ورکړی او ویلي یې دي چې د اوبو کمښت او د سرې د بیو لوړوالی کولی شي په هیواد کې د ژمي د غنمو په کښت او تولید منفي اغیزه وکړي.
د افغانستان په ۳۴ ولایتونو کې د سازمان د ارزونې له مخې، ۸۰ سلنه کرنیزو ټولنو اعلان کړی چې که چیرې د سرې بیه لوړه شي نو دوی به د ژمي د غنمو د کښت کچه راټیټه کړي.
دا هم ویل شوي چې د سروې شویو ټولنو ۷۸ سلنه د اوبو لګولو د اوبو کمښت سره مخ دي او یوازې ۲۲ سلنه یې د کرنیزو ځمکو د خړوبولو لپاره اوبو ته د کافي لاسرسي راپور ورکړی دی.
د سازمان په وینا، د ځمکې لاندې اوبو او سیندونو د کچې کموالی، د اوبو د سرچینو مدیریت کې ستونزې، د افغانستان په کرنیز سکتور کې د اوبو بحران د زیاتولو اصلي عوامل دي.
دا وضعیت په داسې وخت کې راځي چې غنم د افغانستان یو له مهمو فصلونو څخه ګڼل کیږي، او د هغې د تولید کمښت کولی شي د کلیوالي کورنیو عاید او د هیواد د خوړو خوندیتوب وضعیت اغیزمن کړي.