د دید خبري اژانس: د روسیې د بهرنیو چارو وزیر سرګي لاوروف او د هند د بهرنیو چارو وزیر سوبرهمانیام جی شنکر، په مسکو کې په یوه غونډه کې، د افغانستان، اوکراین او ایران په وضعیت بحث وکړ، او د سیمه ایزو او نړیوالو پرمختګونو لپاره د دواړو هیوادونو ګډې طریقې بیاکتنه وکړه.
د روسیې د بهرنیو چارو وزارت اعلان وکړ چې دواړو خواوو په ملګرو ملتونو، د شانګهای همکارۍ سازمان، بریکس او G20 کې د نږدې همغږۍ دوام باندې ټینګار وکړ او موافقه یې وکړه چې په ټولو کچو کې د باور پر بنسټ خبرې اترې پیاوړی کړي.
جی شنکر د روسیې او هند د سوداګرۍ، اقتصادي، علمي، تخنیکي او کلتوري همکارۍ په اړه د بین الحکومتي کمیسیون په غونډه کې د ګډون لپاره روسیې ته سفر وکړ.