د دید خبري اژانس: په هلسینکي کې د روسیې سفارت اعلان وکړ چې هیواد به یې په فنلنډ کې د ناټو د پوځي شتون د زیاتوالي په ځواب کې د خپل امنیت د ډاډمن کولو لپاره اړین اقدامات وکړي.
د روسیې د سفارت یوې سرچینې د ایزوسټیا ورځپاڼې سره په مرکه کې وویل چې په فنلنډ کې د ناټو د شتون پراخول د دې اتحاد د هڅو نښه ده چې په سیمه کې خپل دریځونه پیاوړي کړي او د روسیې سره د مقابلې لپاره یو اقدام دی.
روسي چارواکي زیاته کړه چې په فنلنډ کې د ناټو د پوځي شتون زیاتوالی په شمالي اروپا کې د بې ثباتۍ یو عامل دی او په سیمه کې به امنیتي وضعیت خراب کړي.
د روسیې سفارت وویل چې مسکو مخکې د داسې پالیسۍ د پایلو په اړه خبرداری ورکړی و او د خپل امنیت د ساتنې لپاره به د متقابل اقداماتو کولو ته اړ شي.
روسي چارواکي دا هم ټینګار وکړ چې وروسته له دې چې فنلنډ له ناټو سره یوځای شي، ځینې پریکړې به یوازې په هلسینکي کې نه کیږي او د اتحاد غړي هیوادونه به هم په کې رول ولوبوي.