د دید خبري اژانس: د کولمبیا په لویدیځ کې د ۷.۴ درجې زلزلې له امله لږ تر لږه ۱۳۲ کسان وژل شوي او ۵۷۰ نور ټپیان شوي دي.
سیمه ییزو رسنیو راپور ورکړی چې د زلزلې وروسته، د هیواد په ۳۲ ښارونو کې د سره خبرتیا کچه اعلان شوه او اغیزمنو سیمو ته پراخ زیانونه واوښتل.
د کولمبیا د جیولوژیکي سروې له مخې، زلزله د دوشنبې په ورځ (د اسد ۱۹مه) د هیواد په لویدیځ کې وشوه او په تیرو لسو کلونو کې په کولمبیا کې ترټولو قوي زلزله وه. د زلزلې مرکز د چوکو ایالت په سان خوزه ډل پالمر سیمه کې ثبت شوی.
د کولمبیا ولسمشر دا هم اعلان کړی چې د دې طبیعي پیښې له امله د پریرا او مانیټالس ښارونه تر ټولو ډیر زیان سره مخ شوي دي.
سیمه ییزو چارواکو د مرستې عملیات او د زیانونو ارزونه پیل کړې، او احتمال لري چې د مړو شمیر لوړ شي.