د دید خبري اژانس: په افغانستان کې د اروپايي ټولنې پلاوي اعلان وکړ چې د ښځو او نجونو ځواکمنتیا له افغانانو سره د اروپايي اتحادیې د بنسټیزو مرستو د پروګرامونو په مرکز کې ده.
اروپايي اتحادیه: د افغان ښځو ځواکمنول د بشري مرستو لومړیتوب دی
د دې اعلامیې له مخې، اروپايي اتحادیې د ملګرو ملتونو د پراختیايي پروګرام (UNDP)، ACTED سازمان او ACF په همکارۍ په بدخشان ولایت کې د مهارتونو د پراختیا، د ظرفیتونو په لوړولو او د ښځو او نجونو لپاره د اقتصادي فرصتونو په رامنځته کولو کې مرسته کوي.
دا پروګرامونه د دوامدار معیشت د ملاتړ او په ټولنه کې د ښځو د رول د پیاوړتیا په هدف پلي کیږي.