د دید خبري اژانس: د هلمند ولایت په خانشین ولسوالۍ کې د یوې ناچاودې مرمۍ د چاودنې له امله دوه ماشومان ووژل شول او مور یې ټپي شوه.
د هلمند د پولیسو ویاند ملا ناصر احمد مهاجر د چهارشنبې په ورځ د (ثور ـ غویي ۳۰) اعلان وکړ چې دا پیښه نن سهار په خانشین ولسوالۍ کې رامنځته شوه.
د هغه په وینا، ماشومانو یو ناچاوده مرمۍ وموندله او خپل کور ته یې یوړه. مرمۍ وروسته له هغه وچاودیده چې اور ته وغورځول شوه.
د چاودنې په پایله کې، یو لس کلن او یو درې کلن ماشوم ووژل شو او مور یې هم ټپي شوه.
سیمه ییز چارواکي وايي چې د تیرو جګړو څخه پاتې شوي ناچاودې مهمات او چاودیدونکي توکي په افغانستان کې د ملکي وګړو، په ځانګړې توګه ماشومانو لپاره جدي ګواښ دی او هر کال قربانیان اخلي.