د دید خبري اژانس: په افغانستان کې د جاپان سفارت اعلان وکړ چې د دې هیواد د پوهنې، کلتور، سپورت، ساینس او ټیکنالوژۍ وزارت به د افغان زده کونکو لپاره بورسونه وړاندې کړي.
په ۲۰۲۷ کال کې؛ جاپان د افغان زده کونکو لپاره بورسونه وړاندې کوي
په افغانستان کې د جاپان سفارت اعلان وکړ چې د دې هیواد د پوهنې، کلتور، سپورت، ساینس او ټیکنالوژۍ وزارت به په ۲۰۲۷ کال کې افغان زده کونکو ته بورسونه وړاندې کړي. دا بورسونه به د جاپان په پوهنتونونو کې د مطالعې مختلفې برخې او کچې شاملې وي او موخه یې د باصلاحیته اومینهوال زده کونکو لپاره د زده کړې فرصتونه چمتو کول دي.
د سفارت په وینا، د غوښتونکو د انتخاب پروسه به یوازې د اکاډمیک وړتیاو کیفیت، لیکلي ازموینې پایلو او مرکې پراساس ترسره شي.
پدې پروسه کې به د مذهب، ژبې یا توکم پر بنسټ هیڅ تبعیض نه وي، او ټول وړ زده کونکي به د بورس ترلاسه کولو مساوي چانس ولري.
د جاپان سفارت هم ټینګار کړی چې غوښتونکي باید خپل اسناد د اعلان شوي شرایطو سره سم چمتو او وسپاري او د فورمو په ډکولو او سم اسنادو سپارلو کې دقت ډاډمن کړي.
مینهوالان کولی شي د نورو معلوماتو لپاره په افغانستان کې د جاپان سفارت رسمي ویب پاڼې ته مراجعه وکړي.
دا بورسونه افغان زده کونکو ته د جاپان په علمي او څیړنیز چاپیریال کې د زده کړې او نړیوالې تجربې ترلاسه کولو لپاره یو ښه فرصت برابروي، او همدارنګه به د دوی د پوهې او مهارتونو په ښه کولو کې مرسته وکړي.