د دید خبري اژانس: د ملګرو ملتونو عمومي منشي انتونیو ګوتریش یو نوی پیغام خپور کړی چې خبرداری ورکوي که چیرې “د زور قانون” د “حاکمیت قانون” ځای ونیسي، نو په نړۍ کې به بې ثباتي په چټکۍ سره خپره شي.
هغه ټینګار وکړ چې په داسې شرایطو کې، شخړې به له پولو تیرې شي او اقتصادي ټکانونه به په ټوله نړۍ کې منعکس شي.
ګوتریش زیاته کړه: “اوس تر بل هر وخت، موږ باید د جبر او زور پر بنسټ راتلونکې رد کړو او پرځای یې، د ملګرو ملتونو د منشور او نړیوال قانون پر بنسټ راتلونکې ته غاړه کیږدو.”
دا څرګندونې په داسې وخت کې وشوې چې د نړۍ په بیلابیلو برخو کې د زیاتیدونکي تاوتریخوالي او نړیوالو بحرانونو په اړه اندیښنې مخ په زیاتیدو دي.