امنیت او حوادثجګرهخبرنړۍ
په جنوبي لبنان کې د نښتو زیاتوالی؛ د اسراییلو هوايي بریدونه او روغتون ته زیان
د دید خبري اژانس: په جنوبي لبنان کې د تاوتریخوالي له زیاتوالي وروسته، د لبنان ملي رسنیو راپور ورکړ چې د پنجشنبې په سهار (د حمل ۲۷مه) د حزب الله جنګیالیو او اسراییلي پوځ ترمنځ د بنت جبیل په ښار کې سختې نښتې وشوې.
د راپور له مخې، د اسراییلو پوځ د دې نښتو په جریان کې جنګي جیټ الوتکې او پوځي چورلکې وکارولې، او په ورته وخت کې، د ښار په دروازو او “المیحانیه” محور کې پراخې نښتې دوام لري.
اسراییلي ځواکونو د ښار د لوی بازار په دروازه کې څو کورونه هم ویجاړ کړي دي.
په یوه بله پرمختیا کې، اسراییلي جنګي جیټ الوتکو د تبنین ښار په هوايي برید سره په نښه کړ، چې په پایله کې یې د ښار سیمه ایز روغتون ته د پام وړ زیان ورسید.
راپورونه ښیي چې په دې سیمو کې ناکرارۍ دوام لري.