د دید خبري اژانس: د هند د بهرنیو چارو وزارت ویاند رندیر جیسوال اعلان وکړ چې د پاکستان د وروستي هوايي برید کې د ټپیانو سره د مرستې لپاره د بیړني درملو، کټونو او طبي تجهیزاتو ۲.۵ ټنه بار کابل ته لیږدول شوی دی.
د جیسوال په وینا، دا مرسته د پاکستان د وروستي هوايي برید کې د ټپیانو د چټکې رغیدو د ملاتړ په هدف لیږل شوې ده.
هغه ټینګار وکړ چې هند د افغانستان د خلکو تر څنګ ولاړ دی او د ټولو ممکنه بشري مرستو چمتو کولو ته به دوام ورکړي.
په دې بار کې اړین درمل، د مصرف وړ طبي تجهیزات او طبي کټونه شامل دي او د هند د بهرنیو چارو وزارت لخوا همغږي شوي او په چټکۍ سره کابل ته لیږدول شوي دي.