اسلایدشوافغانستانبرگزیدهتر تولو مشهورروستي خبرونهمهم مطالبګزارش
قوشتېپې کانال ته څېرمه دوه ښارګوټي جوړېږي
دید خبرې آژانس: د شبرغان ښاروالۍ مسوولین په نږدې راتلونکې کې د قوش تیپې کانال ته څېرمه پر څلور زره جریبه ځمکه د دوو ښارګوټو له جوړولو خبر ورکوي.
د شبرغان ښاروال، حبیب الله قانع وايي: «دغه ښارګوټي به په ټولیز ډول د ۴ زره جریبه ځمکې په مساحت کې جوړ شي او بشپړ امکانات او بنسټیزې اسانتیاوې به ولري.
هغه ښارګوټی چې د قرقین او خماب ولسوالیو ترمنځ جوړېږي، ۲ زره جریبه مساحت لري او د قوشتېپې کانال ته نږدې موقعیت لري. له منظورۍ وروسته به دغه پروژې ګټې اخیستنې ته وسپارل شي.»
دا پداسې حال کې ده چې تر دې وړاندې د جوزجان ولایت اوسېدونکو په ځلونو له مسوولینو د سترو او کوچنیو پروژو پلي کېدو غوښتنه کړې وه.
