ډید خبري اژانس: د مهاجرت نړیوال سازمان (IOM) اعلان کړی چې په تېرو څلورو میاشتو کې تر ۵۰۰ زرو ډېر افغانان له پاکستانه وتلي دي.
د ملګرو ملتونو د مهاجرت ادارې د تازه شمېرو له مخې، د ۲۰۲۳ کال د سپټمبر له ۱۵ څخه د ۲۰۲۴ کال د جنورۍ تر ۱۳مې پورې ۵۰۰۲۰۰ افغانان له پاکستانه وتلي دي.
ډیری یې په هغو ورځو کې پولې ته ورغلي چې د نومبر ۱ د وتلو نیټې ته رسیدلي.
اسلام اباد هغو ۱.۷ میلیونه افغانانو ته چې ویل کېږي په پاکستان کې په غیر قانوني توګه ژوند کوي له هېواده د وتلو امر کړی دی.
پاکستان له افغانستان سره په سرحدي سیمو کې امنیتي اندېښنو او په خپل کمزوري اقتصاد باندې فشار ته په اشارې سره د مهاجرینو د ایستلو دفاع وکړه.
په همدې حال کې، په افغانستان کې د ملګرو ملتونو ماموریت په یوه راپور کې ویلي: ځینې افغانان چې بیرته ستنیدو ته اړ ایستل شوي د ځورونې، خپلسري توقیف او/یا د شکنجې یا بد چلند له خطر سره مخ دي.
د بله پلوه د سندهـ قوانينو پر سر د شخړې له امله د دواړو هېوادونو تر ټولو بوخته پوله د لسمې پرله پسې ورځې لپاره د سوداګريزو موټرو پرمخ تړل شوې وه.
د پاکستان پوله ساتو چارواکي وايي، د دوشنبې په ورځ د تورخم په پوله کې تر ۴۰۰ ډېر باروړونکي بار وړونکي پاکستاني لوري ته ولاړل.
