مخالفان هڅه کوي چې د ایران او افغانستان ښې اړیکې خرابې کړي
دید خبرې آژانس: په افغانستان کې د طا-لبانو سرپرست حکومت د بهرنیو چارو او کډوالو چارو وزارتونو ویلي دي چې متعصبې ډلې هڅه کوي چې له دا ډول پیښو څخه د افغانستان او ایران د مثبتو او ښو اړیکو د خرابولو لپاره کار واخلي.
د کډوالو چارو وزارت په یوه خبرپاڼه کې ویلي، چې افغان کډوال باید په خپله خوښه خپل هېواد ته ستانه شي او که غواړي په ایران کې ژوند وکړي، د هغه هېواد ټولو قوانینو ته دې درناوی وکړي.
د اسلامی امارت د بهرنیو چارو وزارت د تهران په ابسارد ښار کې د ایرانی پولیسو له خوا د یوه افغان ځوان د وهلو ټکولو په غبرګون کې د یوې اعلامیې په خپرولو سره له ایرانی چارواکو غوښتی چې د دغه ناوړه عمل عاملین محاکمه کړی. چلند او دوی باید اجازه ورنکړي چې د افغانانو له حقونو څخه سرغړونه په افغانستان کې د خلکو د کرکې لامل شي.
دغه وزارت زیاته کړه، د ایران په اسلامي جمهوریت کې وروستۍ پېښې چې په هغه هېواد کې له یو شمېر افغان مهاجرینو سره د ایران د ځینو امنیتي چارواکو ناوړه چلند په ډاګه کوي، په کلکه غندي.
د بهرنیو چارو وزارت وايي، دا ډول ناوړه چلند د افغان حکومت ژوره اندېښنه راپارولې او متعصبې ډلې هڅه کوي چې له دا ډول پېښو څخه د دواړو هېوادونو د مثبتو او ښو اړیکو د زیانمنولو هڅه وکړي.
په همدې حال کې د اسلامي امارت د کډوالو او راستنیدونکو چارو وزارت د یوې اعلامیې په خپرولو سره په ایران کې له افغان مهاجرینو سره د ناوړه چلند انځورونه د اندیښنې وړ بللي او د هغوی په زور ایستل یې د «اسلامي، نړیوالو او ګاونډیو اصولو خلاف» بللي دي.
دغه وزارت له افغان کډوالو وغوښتل چې په خپله خوښه خپل هېواد ته ستانه شي او که غواړي په ایران کې ژوند وکړي، د هغه هېواد ټولو قوانینو ته درناوی وکړي.
د کډوالو چارو وزارت په یوه خبرپاڼه کې ویلي، “افغان حکومت د ایران له ۴۰ کلن کوربه توب څخه مننه کوي او هیله لري چې له کډوالو سره د زغم، د کډوالو ستونزو ته د رسیدو او د هغوی پر وړاندې د تاوتریخوالي د پای ته رسولو لپاره دوام ورکړي.”
د کډوالو چارو وزارت ویلي لکه څنګه چې اسلامي امارت له ټولو ګاونډیو هېوادونو سره ښې اړیکې غواړي، موږ هم له هغوی څخه غواړو چې هغه مسایل له منځه یوسي چې د دواړو هېوادونو اړیکې خرابوي او یا په ځینو برخو کې د دروغو تبلیغاتو ته زمینه برابروي.
د ایران لوی درستیز د لا زیاتو څیړنو لپاره دماوند سیمې ته یو ځانګړی ټیم استولی دی.
