د هرات او جده ترمنځ مستقیمې الوتنې بیا پیل شو

دید خبرې آژانس: په افغانستان د طا-لبانو سرپرست حکومت د ترانسپورت او ملکي هوايي چلند وزارت وايي، د هېواد په لوېديځ کې د هرات له هوايي ډګر څخه د سعودي عربستان جدې ښار ته مستقيمې الوتنې پيل شوې دي.

د اسلامي امارت د ترانسپورت او ملکي هوایي چلند وزارت په یوه بیان کې ویلي، چې د هرات له نړیوال هوايي ډګر څخه د سعودي عربستان جدې ښار ته لومړۍ الوتنه د سه شنبې په ماښام ترسره شوه.

د ترانسپورت او ملکي هوایي چلند وزارت ویلي، په دغه الوتکه کې ۱۲۷ حاجیان د سعودي عربستان جدې ښار ته روان وو.

 د دغه وزارت د معلوماتو له مخې، د اریانا هوايي شرکت به په اونۍ کې له هرات څخه جدې ته یوه الوتنه ترسره کړي.

 د هرات او سعودي عربستان تر منځ مستقیمې الوتنې وروسته له هغه وځنډول شوې چې د اسلامي امارت له خوا پر افغانستان واک تر لاسه شو.