طا-لبان د افغانستان په ۱۲ ګمرکونو کې امنیتي سکېنرونه نصبوي
دید خبرې آژانس:په افغانستان کې د طا-لبانوسرپرست حکومت تر واک لاندې مالیې وزارت له یوه خصوصي شرکت سره د هېواد په ۱۲ ګمرکي بندرړنو کې د امنیتي سکېنرونو د نصبولو تړون لاسلیک کړ.
د طا-لبانو تر واک لاندې دغه وزارت وايي، دغه تړون د ۱۱۳ميليونه او۳سوه زره ډالرو په ارزښت دی.
د طا-لبانو د چارو د عمومي ریاست د اسانتیاوو او پانګونې د څانګې مشر احمد ضیاء خالد د دغه تړون د لاسليكولو مراسمو کې، د يادو سکېنرونو د نصبولو موخه د لا زیات امنیت برابرول ياد کړي دي.
د نوموړي په وينا، دغه پروژه به په دوو کلونو کې بشپړه شي.
دا په داسې حال کې ده، چې هېواد ته د سوداګریزو توکو یو شمېر واردونکي د طا-لبانو له لوري له لوړ ګمرکي تعرفو شکایت کوي.
بل خوا دغه سوداګر وايي، چې د دوی په وړاندې لویه ننګونه له هېواده بهر ته د پیسو د لېږد په برخه کې ستونزې دي.
د يادولو وړ ده، وروسته له هغه چې طا-لبانو د ۲۰۲۱ کال په اګست میاشت کې پر افغانستان واک تر لاسه کړى، د دغه هېواد بانکي سیستم ته سخت زیان اوښتى او اوس د نړیوالو بندیزونو له امله د دغه هېواد بانکونه له افغانستانه بهر د پیسو په لېږدولو کې له ستونزو سره مخ دي.
