دید خبرې آژانس: د افغانستان د فوټبال د ۲۰ کلنو ملي لوبډله نن(يکشنبه د چنګاښ١٧مه) له تاجکستان سره لوبه کوي.
دا د مرکزي اسیا د اتلولۍ په سیالیو کې د هېواد د ۲۰ کلنو ملي لوبډلې دویمه لوبه ده.
د يادولو ده، چې دا لوبه د افغانستان پر وخت مازدیګر څلور بجې په قرغزستان کې ترسره کیږي.
د هېواد د فوټبال فدراسيون چارواکو ويلي، افغانستان په الف ګروپ کې له قرغزستان او تاجکستان سره دی.
د منځنۍ اسيا د فوټبال د اتلولۍ سيالۍ د افغانستان په ګډون د شپږو اسيايي هېوادونو ترمنځ په قرغزستان کې ترسره کېږي.
