په نایجریا کې ځانمرګي بریدونو/ ۳۷ کسان مره او ټپیان دي
دید خبرې آژانس: د نایجریا پولیس چارواکي وايي چې د «ځانمرګو بریدونو» په پايله کې لږ تر لږه ۱۸ کسان وژل شوي او ۱۹ نور ټپیان دي.
پولیس ويلي چې یو برید د داسې یوې میرمنې لخوا شوی چې د واده په مراسمو کې یې خپل ماشوم په شا تړلى و او د واده مراسمو په منځ کې کې چاودېدونکو توکو ته چاودنه ورکړه.
د رسنیو د راپورونو له مخې «ځانمرګي بریدونه» د نایجریا په شمال ختیځ کې پر یوه واده، روغتون او د جنازې په مراسمو ترسره شوي دي.
د نایجیریا په بورنو ایالت کې د پولیسو ویاند ناهوم کنټ داسو وویل، «له دريو بريدونو څه يو بريد د شنبې په ورځ په ګوزا ښار کې یوې ښځې چې یو ماشوم یې په شا تړلی و، د واده د مراسمو په منځ کې چاودېدونکي موادو ته چاودنه ورکړه.»
د يادونې وړ ده، چې نایجیریا بورنو ایالت کې بوکو حرام د ياغي اورپکو ١٥کلن مرکز دی.
تر اوسه کومې ډلې د دغو بریدونو مسٶلیت پر غاړه نه دی اخيستى.
