له پاکستان او روسېې وروسته به طالبان په چا پورې تړل کيږي

وروسته تر هغې چې افغان طالبان د خپلې واکمنۍ تر ړنګېدو وروسته په خپلو پښو ودرېدل او د ناټو او افغان همسنګرو په وړاندې ېې وسلواله مبارزه پيل کړه ، ناټو او د هغوۍ افغان همسنګري په دې لټه کې شول څو افغان طالبان په کوم هيواد پورې وتړي او نورو ته ېې د هماغه هیواد د ګټو تضمین کوونکي معرفي کړي. چې له دې کاره ېې پېلا، بېلې موخې درلودې.
لومړۍ اساسي موخه ېې همدا وه چې افغان ملت ته وښايي چې افغان طالبان د افغانستان د ازادۍ او ملي ا رزښتونو نه بلکې د نورو د ګټو د تضمین او تامین لپاره جګړه کوي او د دوی جګړه په اسلامي او ملي ارزښتونو نه بلکې د نورو د ګټو په تامین ولاړه ده.
نو د همدې موخې د لاس ته راوړلو لپاره ېې افغان طالبان د پاکستان په حکومت او استخباراتي شبکې ای اېس ای پورې وتړل او ددې لپاره چې هغوۍ د پاکستان د حکومت او ای اېس ای د اېجنټانو په توګه معرفي کړي په تبليعاتو ېې پيل وکړ. چې په دغو تبليعاتو ېې میلیونونه ډالره مصرف کړل.
د اشرف غني د واکمنۍ تر پيله پورې همدغو تبلیعاتو دوام وکړ.  خو کله چې اشرف غني د حکومت واګې په لاس کې واخیستلې نو تر هغه وروسته ېې د واکمنۍ په لومړيو وختو کې پاکستان ته لاړ او له پاکستان نه ېې وغوښتل څو افغان طالبان د سولې مېز ته راکېکاږي. پاکستان هم ورسره کلکه ژمنه وکړه چې افغان طالبان به د سولې د خبرومېز ته راولي خو له ډېرو هڅو وروسته هم پاکستان په دې ونه توانېد چې افغان طالبان د خبرو مېز ته راولي.
طالبانو هم له دغه ستر فرصت نه په ګټه اخیستنې سره خپله خپلواکي ثابته کړه او دا ېې افغان ملت او ټولې نړۍ ته ښکاره کړه چې د پاکستان خبره ورته هيڅ ارزښت هم نه لري او نه دوی د پاکستان د ګټو تضمین کوونکي دي.
نو د افغان طالبانو په دې کار ورخطا شو او له دې په وېره کې شو چې ګواکې ملت حقايق درک نه کړي او ټول ملت له افغان طالبانو ملاتړ اعلان نه کړي. نو د يوې بديلې لارې په لټه کې شو څو ملت يو ځل بیا وغولوي.
نو په همدې وخت کې ېې روسېې ته د طالبانو د قطر د سیاسي دفتر د يو پلاوي د سفر خبر خپور کړ. او ګنګوسې او اوازې ېې خپرې کړې چې ګواکې روسېې له افغان طالبانو سره مالي او نظامي مرستې کړې.
او يو ځل بیا ېې تبليعاتو ته زور ورکړ او دا ځل ېې غوښتل چې طالبان په روسېې پورې وتړي.
که څه هم افغان طالبانو او روسېې دغه خبرونه رد کړل خو ډېر وخت لل نه وو وتلی چې په حکومت کې دننه سرچينو هم د طالبانو سره د روسېې د مالي او تظامې همکاريو خبرونه رد کړل.
د لومړي ځل لپاره په رسمي توګه د اجرائيه ریاست ویاند جاوېد فیصل دغه خبرونه ګنګوسې او اوازې وو بللې او زیاته ېې کړه چې په دې اړه کوم شواهد نشته.
تر دې وروسته تېره ورځ د ناټو سرمنشي ینس ستولتنبرګ هم دغه اوازې او ګنګوسې وبللې او وو ېې ویل چې په دې اړه کوم شواهد نشته.

نو له دې وروسته دا پوښتنه پيدا کيږي چې له دې وروسته به افغان طالبان په چا پورې تړل کيږي؟
او ایا هغه به هم د تېر په څېر درواغ کيږي؟
دا هغه پوښتنې دي چې راتلونکی به ېې ځواب وايي خو يوه خبره روښانه ده افغان طالبان په هيچا پورې هم اړه نه لري او نه د کوم بل هيواد د ګټو لپاره وسلواله مبارزه کوي.

یادونه:په افغان ډاټ کام کې خپریدونکې لیکنې د لیکوال خپل نظر څرګندوي زموږ د ادارې توافق ورسره شرط نه دی

ليکوال: سراج الدين اعجاز