دید خبرې آژانس: د جرمني په منهایم ښار کې د پولیسو یو افسر په هغه ځای کې څېړنې کوي چې د دوی یو بل همکار د چړو په ګوزارونو ټپي شوی و چې د یکشنبې په ورځ یې ساه ورکړه. دغه پېښه د مې په ۳۱مه شوې ده.
د منهایم ښار د پولیسو افسر ۲۹ کلن رووېن “اېل L” له ټپي کېدو وروسته تر پرونه د ماشین په مټ څو ورځې ژوندی ساتل شوی و.
د راپورونو له مخې دا جرمن پولیس د جمعې په ورځ سهار د سلیمان “اې A” په نوم د یوه ۲۵ کلن افغان کډوال لهخوا څو چاقو په غاړه او سر وهل شوی و.
ویل کېږي د جرمني پولیس په چړو وهل شوی او تورن کس افغان دی چې د پولیسو له لوري تر ټپي کېدو وروسته اوس روغتون کې بستر دی.
ویل کېږي د جرمني پولیس په چړو وهل شوی او تورن کس افغان دی چې د پولیسو له لوري تر ټپي کېدو وروسته اوس روغتون کې بستر دی.
بریدګر په منهایم ښار کې له یاد پولیس مخکې لږ تر لږه پنځه نور کسان، چې د پاکس اروپا اسلام ضد ښي اړخي ډلې غړي وو په چړو ووهل او ټپیان یې کړل.
په ټپیانو کې د دې اسلام ضد ډلې د بورډ غړی مایکل ستورزینبرګر هم شامل دی.
په جرمن پولیس د چاقوګانو د ګوزارونو د تاوتریخجنې شېبې عکسونه په خواله رسنیو هم لاس په لاس کېږي چې د کډوالو ضد ګڼ غبرګونونه یې پارولي دي.
بریدګر د پولیسو په ډزو کې ټپي او له جمعې ورځې راهیسې په روغتون کې بستري دی.
