دید خبرې آژانس: د ۱۴۰۳ لمریز کال د کانکور ازمویني د رارسېدو په درشل کې ځينې زده کوونکې نجونې په دغې آزموینه کې د ګډون د محرومیته په تړاو اندېښمنې دي.
د دې سربېره بیا هم ځينې نجونې هیلېمنې دي چې د هلکانو ترڅنګ له دوی هم ازموینه واخیستل شي.
له ښوونځي فارغه صفیه هیلهمنه ده چې، د کانکوز ازموینه کې ورته د ګډون اجازه ورکړل شي، او د خپلې خوښې پوهنځۍ ته بریالۍ شي.
هغه یوه افغان رسني ته ویلی ده:«کله چې موږ له ښوونځي فارغې شوو، هیله مو لرله چې له موږ د کانکور ازموینه اخلي. موږ هغه فورمې چې اسلامي امارت ښوونځیو ته استولې وې هم ډکې کړې، وروسته یې له موږ د کانکور ازمیونه وا نهخیسته. هغه ټولګيوال مو چې هلکان وو، فارغ شوي؛ خو موږ بې برخلیکه پاتې یو.»
په همدې حال زدهکوونکې فهیمه هم وايي:«درې کاله کېږي چې نجونې ښوونځيو او پوهنتونونو ته نهدي تللي، د پوهنتونونو دروازې پرې تړلې دي؛ خو زه په خپله د دغو درې کلونو په لړ کې هېڅ ناهیلې شوې نهیم.»
بل پلو، یو شمېر محصلې نجونې یو ځل بیا د دوی پر مخ د پوهنتونونو پر نه پرانېستل کېدو نیوکه کوي. دوی له سرپرست حکومته غواړي چې له شپږم ټولګي د پورته نجونو پر مخ د پوهنتونو او ښوونځيو دروازې پرانېزي.
محصله نورافګن څرګندوي:«د پوهنتون په درېیم ټولګي کې وم چې د پوهنتونونو دروازې یې د نجونو پر مخ وتړلې، وروستۍ کال مې پاتې و، د دې په هیله چې، پاتې یو کال ووایم او فارغه شم؛ خو له بده مرغه، ونهتوانېدم چې، د پوهنتون څلورم کال پېل کړم.»
له دې سره هممهاله، د پوهنتون ځينې استادان وایي چې د پوهنې د دروازې د نه پرانیستل کېدو بابېزه ګڼل ناوړه پایلې لرلای شي.
دا په داسې حال کې ده چې، د ازموینو ملي ادارې اعلان کړی و چې، د ۱۴۰۳کال د کانکوز ازموینې لومړی پړاو د غبرګولي میاشتې پر اوولسمه په شپاړسو ولایتونو کې اخیستل کېږي.
