پاکستان د POR کارت لرونکو مهاجرینو د پاتې کیدو موده دوه میاشتې غځولې ده
ډيد خبري اژانس: د پاکستان حکومت اعلان کړی چې د افغان کډوالو د داوطلبانه ستنېدو د اسانتيا په موخه يې د راجسټريشن کارډ (PoR) لرونکو کسانو د اوسېدو موده د جون تر پايه غځولې ده.
د نیوز انټرنیشنل د راپور له مخې، د پاکستان د حکومت کابینې پرون د لومړي وزیر شهباز شریف په مشرۍ د افغان کډوالو د راجستریشن کارډونو (PoR) موده، چې د ۲۰۲۴ کال د اپریل له لومړۍ نیټې څخه پای ته رسېدلې وه، د ۲۰۲۴ کال د جون تر ۳۰مې (۱۰ سرطان) پورې وغځوله.
د دغه راپور پر بنسټ، د دغه اقدام موخه د افغان کډوالو د داوطلبانه راستنېدو بهیر اسانه کول دی.
دا اقدام د PoR کارت لرونکو ته دا توان ورکوي چې په پاکستان کې د پاتې کیدو پرمهال ښوونځیو، بانکي حسابونو او نورو اسانتیاوو ته لاسرسی ومومي.
د يادونې وړ ده چې په دريم پړاؤ کې به د پي او آر کارت لرونکي کسان له پاکستانه وشړل شي.
پاکستان د نومبر له لومړۍ نیټې څخه تر نن ورځې پورې په لومړي پړاو کې تر نیم ملیون زیات غیرقانوني کډوال ایستلي دي.
دویمه مرحله د افغان تابعیت کارتونو (ACC) سره د مهاجرینو په شړلو تمرکز کوي.
د پاکستان حکومت اعلان کړی چې دا کار یې د خپل کورني امنیت لپاره کړی دی.
