ډید خبري اژانس: د «افغان-قزاق» سوداګریز نندارتون د پنجشنبې په ورځ (د ثور ۶) د لومړي وزیر د اقتصادي مرستیال ملا عبدالغني برادر او د قزاقستان د چارواکو په ګډون په کابل کې پرانیستل شو.
د لومړي وزير اقتصادي مرستيال ملا عبدالغني برادر وايي، دغه نندارتون به د طا-لبانو او نورو هېوادونو ترمنځ د سوداګرۍ کچه لوړه کړي.
نوموړي د دغه نندارتون د پرانستلو پر مهال ادعا وکړه، چې په افغانستان کې د پانګونې لپاره تر بل هر وخت ډېره زمينه برابره شوې ده.
د بهرنیو چارو وزارت سرپرست امیر خان متقی هم په دغه نندارتون کې د وینا پر مهال پر طا-لبانو د امریکا بندیزونه «بدبختانه او ظالمانه» وبلل.
هغه ادعا وکړه چې افغانستان د اقتصاد او ټرانزیټ په مرکز بدل شوی دی.
د سوداګرۍ او صنایعو وزارت سرپرست نورالدین عزیزي هم ادعا وکړه چې د افغانستان او قزاقستان ترمنځ د سوداګرۍ حجم او همدارنګه د دواړو هېوادونو ترمنځ د بانکي او خصوصي سکتور اړیکې زیاتې شوي دي.
د صنعت او سوداګرۍ وزارت د معلوماتو له مخې، په دغه نندارتون کې د افغانستان او قزاقستان کورني تولیدات نندارې ته اېښودل شوي دي.
د دغه نندارتون د پرانیستلو په مراسمو کې مسوولینو د امنیت او ثبات د تامینولو او نورو هېوادونو ته یې په افغانستان کې د پانګونې بلنه ورکړه، ادعا وکړه.
