په مسکو کې د خونړي برید په غبرګون کې سرپرستو واکمنانو د داعش پر وړاندې د همغږي دریځ غوښتنه وکړه
دید خبری آژانس: د سرپرست خارجه وزارت ویندوی دروسیې په کروکس ښار کښې د کنسرت په تالار کښې دغه مرګونی برید غندلی دی او له داعش سره د مبارزې په لاره کښې یې د هماهنګۍ غوښتنه کړې ده .
دغه وزارت د شنبې په ورځ (۴حمل) په یوه بیان کې ویلي چې دا برید «له بشري معیارونو ښکاره سرغړونه» ده.
داعش ډلې د روسیې په کروکس ښار کې د تېرې شپې د برید پړه پر غاړه اخیستې، چې له امله یې لږ تر لږه ۴۰ کسان وژل شوي او تر ۱۰۰ ډېر ټپیان دي.
په همدې حال کې د بهرنیو چارو سرپرست وزارت د داعش ډلې د ټولې سیمې لپاره ګواښ بللی او له هېوادونو یې غوښتي چې د دا ډول پېښو پر وړاندې یو همغږي، واضح او پرېکنده دریځ غوره کړي.
طا-لبانو په داسې حال کې مسکو ته نږدې وروستی برید غندلی دی چې شاوخوا دوه میاشتې وړاندې د روسیې د امنیت شورا منشي په بشکیک کې د افغانستان په شپږمه امنیتي غونډه کې طا-لبان په افغانستان کې د ترهګرو ډلو په پټنځایونو تورن کړل.
نیکولای پاتروشیف ټینګار کړی چې د طا-لبانو تر کنټرول لاندې په افغانستان کې له ۲۳۰۰۰ وسله والو سره ۲۰ ترهګریز سازمانونه شتون لري.
