دید خبری آژانس: د منځنی ختیځ د رسنیو د څیړنې انسټیټیوټ (MEMRI) موندنې ښیی چې پاکستانی طا-لبان- تحریک د دغه هیواد په خیبر پښتونخوا صوبه کې د «کوچنی امارت» د جوړولو اراده لری.
د منځني ختیځ د رسنیو د څېړنو انسټیټیوټ (MEMRI) پرون (جمعه د کب ۱۱مه) یو راپور خپور کړ چې سرلیک یې «په ۲۰۲۴ کال کې راتلونکي ته کتنه – په سیمه، افغانستان او پاکستان کې د طا-لبانو استازي» دي.
دغه راپور د کشمیر پر سر د پاکستان او هند ترمنځ ترینګلتیا ته په اشارې سره وايي، که د تحریک طا-لبان پاکستان ستراتیژي بریالۍ شي، د افغانستان او پاکستان تر منځ به ډېر بد رول ولوبوي.
د دې راپور پر بنسټ، په افغانستان کې وروستیو پرمختګونو او د طا-لبانو د جهادي او ایډیالوژیکو وروڼو له خوا د امریکا د پوځ ماتې د حکومت د جوړولو لپاره د دغې ډلې د مفکورې په جوړولو کې مرسته کړې ده.
د دغه سازمان په وینا، په ۲۰۲۳ کال کې په پاکستان کې د تحریک طا-لبان پاکستان له بریدونو وروسته د دغه هېواد لږ تر لږه ۴۴۶ پوځي پرسونل وژل شوي او ۵۶۹ نور ټپیان شوي دي.
د تېر کال د ډسمبر په ۳۱ مه نېټه د پاکستان د څېړنو او امنیتي مطالعاتو مرکز یو راپور خپور کړ او اعلان یې وکړ چې په ۲۰۲۳ کال کې په ټول هېواد کې د پاکستان د حکومت د وسله والو مخالفینو په بریدونو کې نږدې زر تنه پوځیان او ملکي وګړي وژل شوي دي.
د پاکستان حکومت ادعا کوي چې د افغانستان د طا-لبانو د بیا واک تر لاسه کولو وروسته، ټي ټي پي او د هغه هېواد د حکومت مخالفې ډلې په افغانستان کې د خپلو پناهځایونو له لارې بریدونه پلانوي او تنظیموي.
په همدې حال کې طا-لبانو تل دغه ادعا رد کړې او پاکستاني چارواکي يې د خپل هېواد د امنيت په تامينولو کې په پاتې راتلو تورن کړي دي.
