کابلوف: د دوحې په ناسته کې به له شریکانو سره د سم چلند په اړه لارښوونه وکړو

ډید خبري اژانس: د افغانستان لپاره د روسیې ځانګړي استازي ضمیر کابلوف ویلي، چې د دوحې په غونډه کې به د فبرورۍ په ۱۸ او ۱۹ مه د خپل هېواد په استازیتوب ګډون وکړي.

کابلوف تاس خبري اژانس ته ویلي چې روسیه په دې غونډه کې ګډون کوي.

هغه زیاته کړه چې هغه به «په دې ناسته کې خپلو شریکانو ته سم چلند ته لارښوونه وکړي».

نوموړي په دې اړه نور جزئیات ورنه کړل.

کابلوف د مسکو د ناستې په اړه زیاته کړه، چې د دې ناستې وخت او ځای به له پرېکړې وروسته اعلان شي.