ډید خبري اژانس: د پاکستان د بهرنیو چارو وزیر د دواړو هېوادونو په پوله کې د دغه هېواد د ۹ اتباعو د وژل کېدو په غبرګون کې وویل، ګډ دښمنان هڅه کوي چې د ایران او پاکستان اړیکې خرابې کړي.
پرون په سراوان کې ۹ پاکستاني اتباع د ایران او پاکستان په سرحدي سیمه کې د نامعلومو وسله والو له خوا وژل شوي دي.
په دوی کې ۳ تنه ټپیان شوي او په روغتون کې تر درملنې لاندې دي.
د پاکستان د بهرنیو چارو وزیر جلیل عباس جیلاني په دې وروستیو کې په خپل اکاونټ کې لیکلي چې په ایران کې په یوه تروریستي برید کې د پاکستانیانو پر وژل کېدو خواشیني کوي.
جيلاني څرګنده کړه: دغه وحشيانه بريد زموږ د ګډو دښمنانو له خوا د پاکستان او ايران د اړيکو د خرابولو يوه هڅه ده.
هغه د قربانیانو له کورنیو سره د خواخوږۍ د څرګندولو په ترڅ کې د ایران له حکومته وغوښتل چې په دې اړه اقدام وکړي.
له بلې خوا په تهران کې د پاکستان سفیر په خپله ایکس پاڼه لیکلي چې له دریو ټپي شویو پاکستاني اتباعو څخه یې له دوو تنو سره خبرې کړي دي.
هغه زیاته کړه: د خدای په فضل د درېو تنو روغتیايي حالت د ډاډ وړ دی او په روغتون کې تر درملنې لاندې دي.
