کابل به راتلونکې اونۍ د یوې سیمه ییزې ناستې کوربه وي
ډید خبري آژانس: د ایران د بهرنیو چارو وزارت د جنوبي اسیا د چارو عمومي رئیس په کابل کې د سیمه ییزو چارواکو د غونډې د جوړېدو خبر ورکړی.
د ایران د بهرنیو چارو په وزارت کې د جنوبي اسیا د چارو عمومي مشر سید رسول موسوي د پنجشنبې په ورځ (د دلو په ۵ مه) په خپله ایکس پاڼه کې لیکلي چې کابل به راتلونکې اوونۍ د سیمه ییزو ډیپلوماتیکو فعالیتونو شاهد وي.
موسوي: په کابل کې سیمه ییزه ناسته چې ایران، پاکستان، روسیه او چین به پکې خامخا ګډون کوي او د دوحې تر غونډې مخکې (د اپریل ۲۸) جوړېږي، د افغانستان سولې، ثبات او ښېرازۍ ته د افغانستان د ګاونډیانو ځانګړې پاملرنه ښيي.
د دغه ایراني چارواکي په وینا، ټاکل شوې د افغانستان په اړه د دوحې غونډه د ډسمبر په ۲۸مه جوړه شي.
دا پرمختګونه په داسې حال کې دي چې د امنیت شورا د افغانستان د چارو لپاره د ځانګړي استازي په معرفي کولو سره په افغانستان کې د سولې او ثبات د ټینګښت لپاره له بېلابېلو خواوو سره سلا مشورې کوي.
