ډید خبري اژانس: د ایران ولسمشر له خپل تاجیکستاني سیال سره د لیدنې او د اقتصادي همکاریو د سازمان په سرمشریزه کې د ګډون په موخه تاجیکستان او بیا ازبیکستان ته ځي.
د ایران ولسمشر سید ابراهیم رئیسي به سبا چهارشنبه دوشنبی ته ولاړ شي او د پنجشنبې په ورځ به له خپل تاجیکستاني سیال امام علي رحمان سره وګوري او د پنجشنبې په ورځ به د اقتصادي همکاریو د سازمان په غونډه کې ګډون وکړي.
د راپورونو پر بنسټ، دا د ولسمشر په توګه له ټاکل کېدو وروسته تاجیکستان ته د ولسمشر رییسی دویم سفر دی.
ټاکل شوې چې د دواړو هېوادونو ولسمشران د تاجیکستان او ایران د سوداګرۍ خونې په غونډه کې چې د نومبر له ۷مې تر ۱۲مې په دوشنبې کې جوړېږي، ګډون وکړي.
د تاجیکستان د پانګونې او دولتي املاکو د مدیریت کمیټې مخکې اعلان کړی و چې د نومبر په اتمه او نهمه په دوشنبه کې د دواړو هېوادونو د متشبثینو په ګډون یوه غونډه جوړه شي.
د ایران ولسمشر به د اقتصادي همکاریو د سازمان (ایکو) په سرمشریزه کې د ګډون لپاره د پنجشنبې په ورځ د ازبیکستان پلازمینې تاشکند ته لاړ شي.
