ډيډ خبري اژانس: بې پولې خبريالان وايي، شاوخوا ۲۰۰ افغان خبريالان له پاکستانه د شړلو له خطر سره مخ دي.
د بې پولې خبریالانو سازمان پرون په یوه بیان کې اعلان وکړ چې د جمهوري نظام له ړنګیدو راهیسې شاوخوا ۲۰۰ افغان خبریالان پاکستان ته تښتیدلي او د جبري شړلو له ګواښ سره مخ دي.
بې سرحده خبريالان وايي، افغانستان ته د دغو خبريالانو لېږل د دوی ژوند له خطر سره مخ کوي.
دغه سازمان له پاکستانه غوښتي چې دغو کسانو ته په پاکستان کې د اوسېدو اجازه ورکړي او د هغوی خوندیتوب تضمین کړي.
د دغه سازمان په وینا دغه خبریالان د پاکستاني پولیسو له خوا ځورول شوي، وهل شوي، په خپل سر بندیان شوي او له نورو فشارونو او تاوتریخوالي سره مخامخ شوي دي.
د دغه سازمان اعلامیه زیاتوي چې د خبریالانو جبري ستنول له نړیوالو قوانینو ښکاره سرغړونه ده او د منلو وړ نه ده.
یو له دغو ژورنالیستانو څخه په ځینو شرایطو کې وویل: افغانستان ته په زوره راستنیدل زموږ قصاب خانې ته د لیږلو معنی لري.
د دغو خبریالانو له ډلې یو بل ویلي چې د ۲۰۲۱ کال په اګست میاشت کې د طا-لبانو لاس ته د کابل له سقوط وروسته په افغانستان کې دوه ځله نیول شوی او شکنجه شوی دی.
د يادونې وړ ده، چې د دغه مهالوېش له تېرېدو سره پاکستاني پوليسو د افغان کډوالو د نيولو او لېږدولو لړۍ پيل کړې ده.
